Reáchtálfar Scoil Gheimhridh Mherriman an deireadh seachtaine seo romhainn san Óstán Meyrick. Beidh an scoil ag ceiliúradh na deartháireacha Brian agus Ciarán Ó Nualláin, beirt a d’fhág lorg láidir ar shaol agus ar scríbhneoireacht na Gaeilge.
Déanfaidh an tOllamh Nollaig Mac Congáil an scoil a oscailt ag 8.15in tráthnóna Aoine agus ansin tabharfaidh an Dr Regina Uí Chollatáin léacht ar Chiarán Ó Nualláin.
I measc na gcainteoirí eile a bheidh le cloisteáil le linn an deiridh seachtaine tá Máirtín Mac Donnchadha, Éadaoin Ní Mhuircheartaigh, Ray Mac Mánais, Séamas Mac Annaidh, Pádhraic Ó Ciardha, agus Mícheál Ó Meallaigh.
Beidh Club Mherriman ar siúl oíche Aoine agus Sathairn le ceol ó Johnny Connolly agus Mharcais Uí Iarnáin. Tá eolas iomlán le fáil ar www.merriman.ie
